TANI MAYA INA

Ina . .
Anam go tani mayano ina
Mo pana peken nuba ben tobo rogo
Ina gawe lupan
Anam ben dei dawa

Ina . .
Susah kiden go kenuk'a
Kiden kala inak take
Latu kala taku
Leta kala heku ina oo
Go nimun take

Horo louk
Go tobo tani mayano ina
Mo mata pekenek
Man dikenehi

Mata mai turu tanah
Lolak mai loni ekan
Tani tutu tani
Marin tani mayan kala heku

Ata rabe mayan dihala
Ata rabe tulin di kura

Ina . .
Anam Go tani mayano
Aran pira go kai
Koi inak moe
Tani kabe horo louk

 

_ Sandakan_